Parashikimi i motit për ditën e enjte
Ditën e enjte, vendi ynë do të jetë nën ndikimin e kushteve atmosferike të qëndrueshme, me orë të gjata me diell që do të dominojnë në pjesën më të madhe të territorit.
Temperaturat minimale pritet të jenë:
- 2 gradë Celsius në zonat veriore.
- 8 gradë Celsius në zonat e ulëta dhe në bregdet.
Temperaturat maksimale do të variojnë:
- 15 gradë Celsius në zonat malore.
- 23 gradë Celsius në zonat e ulëta dhe në bregdet.
Era do të fryjë nga veriperëndimi-verilindja me shpejtësi mesatare 5 metra në sekondë, duke u përforcuar deri në 10 metra në sekondë përgjatë bregdetit dhe zonave luginore.
Në detet Adriatik dhe Jon, valëzimi pritet të jetë i forcës 1-3 ballë.