PD kundërshtoi zgjedhjen e Avokatit të Popullit, Kushtetuesja vendos shqyrtimin
Gjykata Kushtetuese ka njoftuar se ka vendosur kalimin për shqyrtim në seancë plenare të disa çështjeve, bazuar në dokumente, pas një kërkese të paraqitur nga deputetë të Partisë Demokratike.
Ndër çështjet kryesore që do të shqyrtohen është edhe kërkesa e jo më pak se një të pestës së deputetëve të Kuvendit. Kjo kërkesë lidhet me verifikimin e procedurës së zgjedhjes së Avokatit të Popullit, si dhe me kushtetutshmërinë e vendimit përkatës të Kuvendit.
Kjo nismë synon të vlerësojë nëse janë respektuar standardet ligjore dhe kushtetuese gjatë procesit të përzgjedhjes së këtij institucioni të rëndësishëm.