Kryetari i Partisë Demokratike të Kosovës (PDK), Memli Krasniqi, ka deklaruar se partia që ai drejton është fituese e zgjedhjeve lokale të mbajtura në Kosovë.
Krasniqi theksoi se PDK-ja ka arritur rezultate të jashtëzakonshme, duke fituar numrin më të madh të komunave që në raundin e parë, pa pasur nevojë për balotazh.
PDK-ja pretendon fitore që në raundin e parë në Mitrovicë të Jugut, Skenderaj dhe Ferizaj. Gjithashtu, prin në komuna të tjera si Vushtrria, Kaçaniku, Hani i Elezit dhe Prizreni.