Përmbytjet në Sri Lanka dhe Indonezi, mbi 320 persona humbin jetën, qindra të tjerë ende të zhdukur
Më shumë se treqind persona janë konfirmuar të vdekur si pasojë e përmbytjeve në Sri Lanka dhe Indonezi. Shirat e rrëmbyeshëm, të shkaktuar nga Cikloni Ditwah, deri më tani kanë marrë 123 jetë në të gjithë Sri Lankën, ndërsa 130 persona të tjerë rezultojnë ende të zhdukur.
Qendra e Menaxhimit të Fatkeqësive raportoi se operacionet e ndihmës janë duke u zhvilluar dhe 43,995 persona janë transferuar në qendrat shtetërore të ndihmës, pasi shtëpitë e tyre u shkatërruan nga shirat e rrëmbyeshëm që kanë vazhduar gjatë gjithë javës.
Ndërkohë, në Indonezi, autoritetet njoftuan se numri i të vdekurve nga përmbytjet ka tejkaluar 200.