Më shumë se 600 persona u evakuuan urgjentisht nga Parku Kombëtar Kruger, rezervati më i madh i kafshëve të egra në Afrikën e Jugut, më 15 janar. Arsyeja e evakuimit ishte kërcënimi nga përmbytjet ndaj sigurisë së pushuesve.
Sipas administrate, gjatë ditës u evakuuan 631 persona, mes të cilëve 67 fëmijë. Ata u morën nga tetë vendbanime të cilat gjenden pranë lumenjve që dolën nga shtrati.
Përmbytjet vijnë pas dy javësh reshjeje të dendura në Afrikën e Jugut lindore, ku shtrihet edhe rezervati. Si pasojë, shumë lumenj në këtë rajon kanë dalë nga shtrati, duke përmbytur zona të gjera dhe rrugë.
Situata është përkeqësuar nga mungesa e ushqimit në disa zona, për shkak të ndalimit të transportit.
Presidenti i Afrikës së Jugut, Cyril Ramaphosa, vizitoi zonat më të prekura më 15 janar. Ai urdhëroi marrjen e masave të menjëhershme për t’i ofruar ndihmë popullatës.