Situata në Pokrovsk është shumë e vështirë, thotë Zelensky: Vendimi për tërheqjen e trupave i përket ushtrisë
Presidenti ukrainas, Volodymyr Zelensky, ka deklaruar se situata në Pokrovsk është “shumë e vështirë”. Në një intervistë për Bloomberg TV, ai u shpreh se çdo vendim për tërheqjen e trupave varet nga komandantët ushtarakë në terren.
“Askush nuk i detyron ata të vdesin për hir të rrënojave. Unë do t’i mbështes ushtarët tanë, veçanërisht komandantët atje, në përpjekjet e tyre për të kontrolluar situatën. Përndryshe, do të jetë shumë e kushtueshme për ne: gjëja më e rëndësishme për ne janë ushtarët tanë,” tha ai.