Presidenti i Iranit, Pezeshkian: Kanë nisur përpjekjet e ndërmjetësimit, por nuk hezitojmë të mbrojmë veten!
Presidenti i Iranit, Masoud Pezeshkian, ka sugjeruar se disa vende po punojnë aktivisht për të ulur tensionet në konfliktin aktual në Lindjen e Mesme. Ai u shpreh në rrjetet sociale se:
“Disa vende kanë filluar përpjekjet e ndërmjetësimit. Le të jemi të qartë: ne jemi të përkushtuar për paqe të qëndrueshme në rajon, por nuk hezitojmë të mbrojmë dinjitetin dhe sovranitetin e kombit tonë. Ndërmjetësimi duhet t’u drejtohet atyre që e nënvlerësuan popullin iranian dhe e ndezën këtë konflikt.”
Pezeshkian është pjesë e këshillit udhëheqës prej tre personash, i cili u formua për të qeverisur Iranin në mënyrë të përkohshme menjëherë pas vdekjes së udhëheqësit suprem të shtunën e kaluar.