Presidenti i Madagaskarit, Andry Rajoelina, ka shpërndarë Asamblenë Kombëtare, dhomën e ulët të parlamentit. Ky vendim vjen pas njoftimit të opozitës për nisjen e procedurave të shkarkimit kundër tij në Parlament, duke e akuzuar për “braktisje të postit”.
Më herët, Rajoelina deklaroi në një transmetim të drejtpërdrejtë në Facebook se ishte strehuar në një “vend të sigurt” pas një atentati ndaj tij, pas javësh protestash që kërkonin dorëheqjen e tij. Një grup i fuqishëm ushtarak ka shprehur mbështetje për protestuesit që kërkojnë largimin e tij nga posti.
Agjencia e lajmeve Reuters raporton se udhëheqësi i opozitës në Parlament ka deklaruar se dekreti i Presidentit nuk është “ligjërisht i vlefshëm”. Sipas tij, presidenti i Asamblesë Kombëtare nuk është konsultuar.