Rebelët Houthi sulmojnë Izraelin me raketa
Rebelët Houthi në Jemen kanë marrë përgjegjësinë për një sulm me raketë ndaj Izraelit. Ky veprim shënon përfshirjen e drejtpërdrejtë të tyre në konfliktin rajonal që po zhvillohet mes Izraelit, Shteteve të Bashkuara të Amerikës dhe Iranit.
Sipas deklaratave të grupit, raketat balistike kishin në shënjestër objekte ushtarake izraelite. Ndërkohë, ushtria e Izraelit njoftoi se projektili i lëshuar nga Jemeni u interceptua me sukses nga sistemet e mbrojtjes ajrore.
Ky është sulmi i parë i Houthis ndaj Izraelit që nga fillimi i luftës aktuale në Lindjen e Mesme. Ky zhvillim konsiderohet si një përshkallëzim i rrezikshëm i konfliktit.
Zëdhënësi ushtarak i Houthis deklaroi se operacionet do të vazhdojnë derisa të ndalen sulmet ndaj Iranit dhe aleatëve të tij në rajon. Ai paralajmëroi për një përfshirje më të gjerë të grupit në luftë.