Roma konsiderohet “garanci” në Europë: Shifrat tregojnë se ka tejkaluar të gjitha skuadrat italiane në 10 vitet e fundit
Me kalimin e fazës së grupeve në Ligën e Europës, skuadra e Romës është konsoliduar si ekipi më i qëndrueshëm italian i 10 viteve të fundit. Statistikat tregojnë se, në dekadën e fundit, mes të gjitha klubeve italiane që kanë marrë pjesë në kompeticionet ndërkombëtare, vetëm Roma ka arritur të kualifikohet çdo herë.
Ajo numëron 10 kualifikime në 10 pjesëmarrje, të ndara mes Ligës së Kampionëve, Ligës së Europës dhe Ligës së Konferencës. Në mënyrë të thjeshtë, “verdhekuqtë” kanë kaluar gjithmonë fazën e parë të turneut, duke u shfaqur si ekipi më konsekuent. Ky qëndrueshmëri bie në kontrast me klube të tjera, edhe më prestigjioze, të cilat shpesh nuk kanë arritur ta bëjnë një gjë të tillë, siç ishte rasti i Napolit në edicionin aktual.