Rubio dhe Lavrov diskutojnë në telefon për Ukrainën dhe Iranin
Sekretari i Shtetit i SHBA-së, Marco Rubio, dhe homologu i tij rus, Sergei Lavrov, zhvilluan një bisedë telefonike të martën, ku kryesisht u diskutuan luftërat në Ukrainë dhe Iran. Këtë e bëri të ditur Departamenti i Shtetit amerikan.
“Ata diskutuan marrëdhënien e SHBA-së me Rusinë, luftën e Rusisë me Ukrainën dhe çështjen e Iranit”, thuhet në një deklaratë të shkurtër të zëdhënësit diplomatik të SHBA-së, Tommy Pigott.
Bombardimet ushtarake ruse vranë më shumë se 20 persona dje në Ukrainë, ndërsa bombardimet ukrainase rezultuan me të paktën pesë viktima në gadishullin e Krimesë, i aneksuar nga Rusia në vitin 2014. Ndërkohë, një armëpushim i mundshëm pritej nga Kievi dhe më pas nga Moska, para zhvillimeve të mundshme lidhur me ngjarjet përkujtimore ruse për 81-vjetorin e Ditës së Fitores në Luftën e Dytë Botërore, në vitin 1945.