SHBA-të dërgojnë mbi 50 avionë luftarakë në Lindjen e Mesme
Gjatë 24 orëve të fundit, Shtetet e Bashkuara të Amerikës kanë dislokuar më shumë se 50 avionë luftarakë, duke përfshirë modele F-35, F-22 dhe F-16, në rajonin e Lindjes së Mesme.
Nga këto pajisje të dërguara, bëjnë pjesë avionët luftarakë të gjeneratës së pestë, F-35 dhe F-22, si dhe avionët luftarakë shumëfunksionalë F-16 të gjeneratës së katërt, të cilët kanë një histori të gjatë shërbimi.
Paralelisht me këtë zhvillim, është raportuar se SHBA-të po vijojnë të forcojnë praninë e tyre ushtarake në rajonin e Gjirit Persik. Më herët, kishte ardhur raporti se aeroplanmbajtësja amerikane USS Gerald R. Ford po lundronte drejt Lindjes së Mesme.