SHBA dhe Irani nuk konfirmojnë pjesëmarrjen në bisedime, Pakistani nis përgatitjet për pritjen e negociatave të radhës
Shtetet e Bashkuara dhe Irani kanë sinjalizuar se do të zhvillojnë bisedime të reja për armëpushim në Islamabad, thanë zyrtarët pakistanezë për agjencinë e lajmeve AP.
As Uashingtoni dhe as Teherani nuk e kanë konfirmuar zyrtarisht pjesëmarrjen e tyre në negociatat në Islamabad, as kush do të marrë pjesë, pasi raundi i parë përfundoi pa një marrëveshje.
Megjithatë, me një armëpushim të brishtë që pritet të skadojë vonë të mërkurën sipas orës amerikane, dhe me mesazhe të përziera që vijnë nga të dyja palët, koha po mbaron për të gjetur një zgjidhje para se të rifillojnë luftimet.
Ndërkohë që pritet që Irani dhe SHBA-të të konfirmojnë ose mohojnë pjesëmarrjen e tyre në bisedime, Pakistani megjithatë po përgatitet për pritjen e delegacioneve.
Oficerët e policisë dhe ushtarët kanë qenë sot në gatishmëri pranë Hotel Serena, ku pritet të zhvillohen negociatat, nëse ato do të vazhdojnë. Gjithashtu, janë vendosur edhe tabela për bisedimet.