SHBA shpreson të zhvillojë takime me Iranin këtë javë, sipas Witkoff
Takimet midis Shteteve të Bashkuara dhe Iranit mund të zhvillohen që këtë javë, tha i dërguari i Donald Trump, Steve Witkoff.
Duke folur për çështjen e Iranit në një aktivitet në Miami, Steve Witkoff u shpreh: “Ne mendojmë se do të ketë takime këtë javë. Sigurisht që shpresojmë për këtë.”
Witkoff shtoi se zgjatja e pezullimit të sulmeve amerikane ndaj objektivave energjetike iraniane, vendosur nga Donald Trump, shihet si “një gjë vërtet pozitive” nga Uashingtoni.
Ai theksoi se është “e qartë” që Shtetet e Bashkuara dhe Irani po negociojnë dhe se disa anije po kalojnë tashmë nëpër Ngushticën e Hormuzit. Megjithatë, Witkoff shtoi: “Ne mund të kemi një përkufizim të ndryshëm të negociatave nga ai që kanë ata.”