SHBA-të në negociata “të nxehta” për çështjen me Iranin, Trump refuzon të japë detaje: Do të informohem për propozimin e Pakistanit
Presidenti Donald Trump ka deklaruar se Shtetet e Bashkuara janë përfshirë në “negociata të nxehta” lidhur me çështjen e luftës me Iranin, por ka refuzuar të ofrojë detaje të mëtejshme rreth këtyre bisedimeve.
“Nuk mund t’ju them me siguri, sepse tani për tani jemi në negociata të nxehta,” tha Trump për Fox News gjatë një interviste të shkurtër telefonike, kur u pyet për ndjesinë e tij mbi bisedimet.
Trump shtoi se do të informohet plotësisht rreth propozimit për një armëpushim dyjavor, i cili është paraqitur nga kryeministri pakistanez Shehbaz Sharif. Shtëpia e Bardhë i kishte konfirmuar CNN më herët të martën se “do të vijë një përgjigje”.
“Mund ta them këtë – se e njoh shumë mirë. Ai është një njeri shumë i respektuar, kudo,” tha Trump për Sharif, duke folur për Fox.