Putin vetëm flet dhe vijon operacionet ushtarake; Trump jep “dritën jeshile” për sanksione më të ashpra kundër Rusisë
Pasi duket se ka shteruar rrugën e bisedimeve, Presidenti Trump i ka dhënë miratimin për sanksione më të ashpra kundër Rusisë, konfirmoi senatori republikan Lindsey Graham pas një takimi me presidentin e SHBA-së.
Sipas Graham, Trump ka mbështetur një projektligj për sanksione dypartiake, mbi të cilin republikanët dhe demokratët kanë punuar së bashku për disa muaj.
Graham argumenton se koha është jetike, pasi Ukraina po bën lëshime në emër të paqes, ndërsa Vladimir Putin kufizohet në deklarata dhe vazhdon operacionet ushtarake.
Një dispozitë kyçe e projektligjit do t’i jepte presidentit amerikan fuqinë për të ndëshkuar vendet që blejnë naftë të lirë ruse, duke financuar kështu makinën e luftës së Kremlinit. Fokusi kryesor është te Kina, India dhe Brazili, të cilat do të përballeshin me presion të drejtpërdrejtë ekonomik për t’i nxjerrë ato nga tregjet ruse të naftës.
Graham pret mbështetje të gjerë dypartiake. Një votim në Senat mund të zhvillohet që javën e ardhshme.