SHBA-të po përgatisin plan për dorëheqjen e Maduros
Shtetet e Bashkuara të Amerikës po përgatisin një plan veprimi në rast të dorëheqjes së Nicolas Maduro nga posti i presidentit të Venezuelës. Këtë informacion e ka dhënë Sekretari i Shtypit i Pentagonit, Kingsley Wilson, gjatë një konference për shtyp.
“Departamenti ka një plan emergjence. Nëse ndodh diçka e papritur kudo në botë, përgjigja jonë është e gatshme dhe ne jemi të përgatitur ta zbatojmë,” tha ai, duke iu përgjigjur pyetjes rreth mundësisë së dorëheqjes së liderit venezuelian.
Sipas tij, ushtria amerikane deri më tani ka zhvilluar 21 operacione kundër rrjeteve të trafikut të drogës. “Deri më sot, janë kryer 21 sulme kinetike kundër rrjeteve të trafikimit të drogës në hemisferën tonë, duke rezultuar në vdekjen e 82 individëve të përfshirë në trafikun e drogës,” sqaroi Sekretari i Shtypit.
Zyrtari i Pentagonit theksoi gjithashtu se operacioni për asgjësimin e trafikanëve të drogës sapo ka filluar.