SHBA zgjeron programin e vizave me garanci financiare, duke shtuar 12 vende të reja
Departamenti Amerikan i Shtetit po zgjeron programin pilot për vizat B1/B2, të destinuara për qëllime biznesi ose turizmi. Kjo zgjerim përfshin shtimin e 12 vendeve të tjera në listën ku aplikantët mund të kërkohet të paguajnë një garanci financiare, me vlerë deri në 15,000 dollarë.
Ky ndryshim do të hyjë në fuqi duke filluar nga 2 prilli 2026, duke e çuar numrin total të vendeve të përfshira në program në 50.
Shtetet e reja të shtuara në listë janë:
- Kamboxhia
- Etiopia
- Gjeorgjia
- Grenada
- Lesoto
- Mauritius
- Mongolia
- Mozambiku
- Nikaragua
- Papua Guinea e Re
- Seychelles
- Tunizia
Shuma e garancisë financiare mund të jetë 5,000$, 10,000$ ose 15,000$. Vendimi për shumën specifike do të merret gjatë intervistës konsullore, bazuar në rastin individual të aplikantit.
Nëse aplikanti respekton kushtet e vendosura për vizën, shuma e paguar si garanci do t’i kthehet.
Autoritetet amerikane shprehen se ky program ka rezultuar efektiv deri tani në përmirësimin e respektimit të rregullave të vizave nga ana e aplikantëve.