Një nga më aktivët në botë, llava e vullkanit Kilauea, spektakël në Hawaii
Krateri i vullkanit Kilauea në Hawaii shpërtheu të dielën, duke krijuar një shfaqje natyrore të jashtëzakonshme. Rrymat e llavës që dolën nga krateri qëndruan aktive për pesë orë, herë pas here duke arritur lartësi mbresëlënëse prej më shumë se 300 metrash.
Ky vullkan, i njohur si një nga më aktivët në botë, ka shkaktuar 36 shpërthime që nga fundi i dhjetorit 2024. Megjithatë, sipas Shërbimit Gjeologjik të Shteteve të Bashkuara, shpërthimi i fundit është tashmë nën kontroll.
Banorët dhe turistët që ndodheshin në zonë kanë qenë dëshmitarë të një pamjeje mbresëlënëse dhe frikësuese njëkohësisht, një kombinim i fuqisë natyrore dhe bukurisë dramatike të Hawaii-t.