Mër. Tet 17th, 2018

Shqipëri – Kosovë, përgatitje për mbledhjen e përbashkët në Pejë

TIRANË, 12 tetor . – Në Ministrinë për Europën dhe Punët e Jashtme u zhvillua takimi përgatitor për mbledhjen e përbashkët të qeverive Shqipëri – Kosovë.

Gjatë këtij takimi u vlerësua ecuria e deritanishme e vendimeve të marra dhe u analizuan elementet, që do të duhet të trajtohen gjatë mbledhjes së ardhshme të përbashkët të dy qeverive.

Mbledhja e radhës do të mbahet në muajin nëntor në Pejë dhe do të ketë në fokus nënshkrimin e marrëveshjeve kryesisht me karakter ekonomik dhe që lehtësojnë jetën e qytetarëve të të dy vendeve.

Kjo është mbledhja e 5-të që zhvillohet mes dy qeverive. Mbledhja e fundit u zhvillua në qytetin e Korçës në 27 nëntor të vitit të shkuar, në të cilën u nënshkruan dymbëdhjetë marrëveshje dhe memorandume mirëkuptimi në fushat si procesi i integrimit euro-atlantik, diplomacia, ekonomia, tregtia, diaspora, kultura, infrastruktura.

/k.s/r.e/

Kategori