Shqiptar kapet në Itali me 9 kg kokainë në makinë
Një shtetas shqiptar 35-vjeçar është arrestuar nga policia italiane pasi gjatë një kontrolli rutinë në automjetin e tij iu gjetën 9 kilogramë kokainë e pastër. Vlera e lëndës narkotike në tregun e drogës vlerësohet të jetë mbi 1 milion euro, në rast se do të shitej në doza.
Droga ishte e fshehur në një hapësirë të dyfishtë në dyshemenë e veturës, poshtë sediljes së pasagjerit, e cila funksiononte me anë të një sistemi të sofistikuar elektromekanik të lidhur me panelin e kontrollit të makinës.
Policia rrugore nga Orvieto (Terni) e ndaloi automjetin, një Renault Megane, për një kontroll rutinë teksa udhëtonte në autostradë. Ndërkohë që dokumentet e shoferit dhe automjetit rezultuan në rregull, sjellja e shqiptarit, i cili dukej dukshëm nervoz, ngriti dyshime tek uniformat blu.
Gjatë inspektimit të automjetit, efektivët vunë re një lëvizje jo normale të sediljes së pasagjerit, e cila ishte fiksuar në mënyrë të çrregullt me dyshemenë. Një kontroll më i detajuar zbuloi zona të dyshimta të salduara nën tapiceri.
Kur u konfrontua me këto anomali, shoferi nuk ofroi asnjë shpjegim bindës. Pas pak minutash, ai pranoi ekzistencën e një vend-gëndimi të fshehur nën sedilje. Ky compartment u hap duke përdorur një sërë komandash specifike në panelin e instrumenteve, të cilat bënë që sedilja të ngrihej duke lejuar aksesin në dyshemenë e rreme, sipas informacioneve nga mediat italiane.
Brenda hapësirës së zbuluar u gjetën tetë pako kokaine, me peshë mbi 9 kilogramë. Shqiptari u arrestua dhe, me urdhër të Prokurorisë Publike të Ternit, u dërgua në burg. Automjeti dhe lënda narkotike u sekuestruan.