Me 2 kg drogë, arrestohet i riu shqiptar në Itali
Një shtetas shqiptar 34-vjeçar është arrestuar nga policia italiane, i akuzuar për posedim droge me qëllim shitjen. Gjatë kontrollit, atij iu sekuestruan dy kilogramë lëndë narkotike.
Arrestimi u krye të enjten rreth orës 21:00, gjatë patrullimeve të policisë të urdhëruara nga Prefekti dhe Shefi i Policisë. Ndërsa po ushtronin një pikë kontrolli në kryqëzimin Siena Nord, në komunën e Monteriggioni, efektivët ndaluan një automjet të cilin e konsideruan të dyshimtë.
Gjatë kontrollit, shoferi tregoi shqetësim dhe nervozizëm të theksuar, duke i shtyrë punonjësit e policisë të kryenin hetime më të thelluara. Pas nxjerrjes së tij nga automjeti, oficerët gjetën dy pako të mbështjella me celofan, të cilat përmbanin një substancë me ngjyrë kafe, e cila më vonë u identifikua si hashash.
Kontrolli i automjetit u zgjerua dhe rezultoi në zbulimin e sasive të tjera droge të fshehura në parakolpin e përparmë. Gjithsej u sekuestruan rreth dy kilogramë kanabis, të ndara në 20 blloqe, të cilat dukshëm ishin të destinuara për shpërndarje.
Shtetasi shqiptar u arrestua dhe u dërgua në ambientet e paraburgimit. Më pas, ai u transferua në burgun e Sienës, ku mbetet në dispozicion të autoriteteve gjyqësore në pritje të seancës së vërtetimit të masës së sigurisë.