Die. Sht 23rd, 2018

“Smile Albania” përzgjedh fituesit edhe në Shkodër

TIRANË,10 Korrik / ATSH /  – Mbi 120 të rinj i janë bashkuar projektit “Smile Albania” në Administratën e Zonave të Mbrojtura në Shkodër, një ide kjo e shtrirë në të gjithë Shqipërinë nga Ministria e Turizmit.

Tashmë kanë përfunduar aplikimet dhe ADZM ka bërë përzgjedhjen e këtyre të rinjve që do të mirëpresin turistët e huaj në pjesët më të bukura të vendit.

Në Shkodër ka patur një numër të madh aplikuesish për t’u bërë pjesë e “Smile Albania” ndërsa janë përzgjedhur më të mirët.

Vetë të rinjtë tregojnë arsyet përse aplikuan për të qenë pjesë e këtij projekti dhe dëshirën e tyre për të prezantuar Shqipërinë e bukur në sytë e turistëve të huaj.

“Smile Albania” është një projekt i menduar nga Ministria e Turizmit për t’i dhënë një tjetër shtysë sezonit turistik, por edhe për të përgatitur të rinjtë për një të ardhme më të mirë me eksperiencën si pjesë e ADZM gjatë këtyre muajve.

/m.m/

Turizëm – Agjencia Telegrafike Shqiptare

Kategori