Shira të rrëmbyeshëm dhe erëra të forta: Stuha ‘Kristin’ shkakton dy viktima në Portugali. Pamje të frikshme.
Shtylla të rrëmbyeshme dhe erëra të forta që goditën Portugalinë gjatë natës kanë shkaktuar të paktën dy viktima dhe dëme të konsiderueshme në zonën e Lisbonës, sipas njoftimeve të shërbimeve të shpëtimit.
Stuha Kristin solli erëra me shpejtësi deri në 150 km/orë, duke shkaktuar rrëzimin e pemëve, përmbytje dhe rrëshqitje toke. Autoritetet janë angazhuar për t’iu përgjigjur rreth 1,500 incidenteve vetëm gjatë natës dhe mëngjesit të sotëm.
Një person humbi jetën në Vila Franca de Cira kur një pemë ra mbi makinën e tij. Një tjetër person u vra nga rënia e një strukture metalike në Monte Real.
Qeveria portugeze e cilësoi stuhinë si një “ngjarje ekstreme klimatike” dhe raportoi se rreth 850,000 familje ose institucione mbetën pa energji elektrike.
Rrugët dhe shërbimet hekurudhore janë ndërprerë në disa zona, ndërsa disa shkolla kanë mbetur të mbyllura.
Në Figueira da Foz, era rrëmbeu një rrotë të madhe në bregdet.
Stuha Kristin ka vazhduar drejt Spanjës, ku erërat e forta shkaktuan rënien e një peme në Torremolinos, duke marrë jetën e një gruaje.
Më shumë se 160 rrugë u prekën nga bora dhe erërat, përfshirë 27 autostrada kryesore. Agjencia Meteorologjike e Spanjës ka paralajmëruar për zona me erëra të forta dhe shpërthime me forcë uragani.
Autoritetet u bëjnë thirrje qytetarëve të jenë të kujdesshëm dhe të ndjekin udhëzimet për sigurinë.