Sulm rus me dronë në Odesa, goditet një zonë e banuar, raportohet për viktima
Një sulm me dron rus gjatë natës ka shkaktuar vdekjen e një gruaje në Odesa, në jug të Ukrainës, njoftuan autoritetet lokale herët këtë mëngjes.
Sipas Oleh Kiper, kreut të komandës ushtarake rajonale të Odessas, një nga dronët ka goditur një zonë banimi, duke shkaktuar shembjen e çatisë së një shtëpie familjare.
“Fatkeqësisht, një grua ka vdekur si pasojë e sulmit”, deklaroi ai përmes një postimi në Telegram.
Ndërkohë, në rajonin e Zaporizhias, kreu i komandës ushtarake lokale, Ivan Fedorov, raportoi për një tjetër viktimë dhe tre persona të plagosur si pasojë e bastisjeve ruse gjatë 24 orëve të fundit në zonat e Zaporizhias dhe Polokhiv.
Sulmet e reja vijnë në një kohë kur pritet të mbahen bisedime të reja diplomatike për zgjidhjen e konfliktit të armatosur, që ka nisur prej gati katër vitesh. Takimet janë planifikuar të zhvillohen të martën dhe të mërkurën në Gjenevë, midis Moskës dhe Kievit, nën patronazhin e Shteteve të Bashkuara të Amerikës.