Rusia godet Kievin me dronë e raketa
Të paktën 2 persona u vranë dhe 5 të tjerë u plagosën në një sulm rus me raketa dhe dronë në rajonin e Kievit, sipas njoftimit të kreut të komandës ushtarake rajonale në orët e para të mëngjesit.
“Për fat të keq, dy persona humbën jetën dhe katër të tjerë u plagosën në rajonin e Brovary, ndërsa një person tjetër u plagos në rajonin e Vyshhorod”, theksoi Mykola Kalashnik nëpërmjet Telegram.
Edhe pse vëmendja ndërkombëtare është aktualisht e përqendruar te lufta në Lindjen e Mesme, shkëmbimet e zjarrit mes Rusisë dhe Ukrainës kanë vijuar.