35-vjeçarja përjeton tmerrin në Firence, sulmohet seksualisht nga dy persona.
Një 35-vjeçare me origjinë nga Panama ka qenë viktimë e një sulmi seksual natën midis të premtes dhe të shtunës në Piazza San Pancrazio, një zonë e izoluar në qendër të Firences, siç raporton policia italiane.
Viktimës i është ofruar trajtim mjekësor në Spitalin Careggi.
Sipas burimeve, rreth orës 4:00 të mëngjesit, një kalimtar ka dëgjuar thirrjet e saj për ndihmë dhe ka telefonuar numrin emergjent 112. Forcat e rendit kanë reaguar menjëherë, duke gjetur dy persona, të cilët dyshohet se janë shtetas të huaj. Ata janë shoqëruar në stacionin e policisë për identifikim dhe hetime të mëtejshme.
Hetimet po vazhdojnë për të sqaruar rrethanat e ngjarjes dhe për të identifikuar autorët dhe motivet e tyre.