Dhjetëra viktima pas sulmit xhihadist në Nigeri
Xhihadistët e grupit Shteti Islamik në Afrikën Perëndimore (ISIS) kanë vrarë dhjetëra persona, përfshirë ushtarë, në shtetin Borno, në verilindje të Nigerisë. Situata mbetet shqetësuese, duke pasur parasysh përshkallëzimin e dhunës në vendin më të populluar të Afrikës dhe presionin ndërkombëtar mbi çështjet e sigurisë kombëtare, thanë për AFP burime lokale dhe mjekësore.
Që nga shpërthimi i kryengritjes xhihadiste në Nigeri në vitin 2009, më shumë se 40,000 njerëz janë vrarë dhe rreth 2 milionë të tjerë janë zhvendosur nga shtëpitë e tyre në pjesën verilindore të vendit, sipas OKB-së.