Një dëshmitare, Olha Zolotova, rrëfen tmerrin e përjetuar kur treni në të cilin punonte u godit nga një dron rus në stacionin hekurudhor të Shostkës. Sulmi i dyfishtë, ku një dron Shaded goditi trenin dhe pak më vonë të njëjtin stacion, shkaktoi plagosjen e 30 personave, përfshirë tre fëmijë, dhe vdekjen e një burri. Ukraina e cilëson këtë si shënjestrim të civilëve, një krim të mundshëm lufte.
Operatorët hekurudhor ukrainas raportojnë se sulmet ndaj rrjetit hekurudhor janë dyfishuar muajt e fundit, duke shënjestruar qëllimisht trenat, stacionet dhe sistemet energjetike. Rusia përdor dronët si armë strategjike për të paralizuar lëvizjet, dëmtuar ekonominë dhe krijuar panik.
Megjithatë, Ukraina ka plane emergjence dhe po punon për të garantuar vazhdimin e shërbimeve hekurudhore, duke përdorur edhe autobusë në rast nevoje. Punonjësit e hekurudhave që luftuan flakët gjatë sulmeve po shpërblehen si “Heronjtë e Hekurt”.
Rusia ka intensifikuar edhe sulmet ndaj sistemeve energjetike, ndërsa Ukraina ka kundërpërgjigjur ndaj rafinerive ruse. Me afrimin e dimrit, zyrtarët ukrainas paralajmërojnë për një sezon të vështirë dhe kërkojnë më shumë mbështetje nga aleatët, sidomos në mbrojtjen ajrore.