Ukraina lëshon stuhi raketash drejt Rusisë, Moska pretendon se ka rrëzuar rreth 200. Një person humbi jetën.
Ministria ruse e Mbrojtjes ka njoftuar se forcat e saj kanë rrëzuar 193 dronë ukrainas gjatë natës, si pjesë e sulmeve ajrore përgjatë kufirit ruso-ukrainas. Autoritetet lokale raportojnë se një person ka humbur jetën dhe disa të tjerë janë plagosur si pasojë e këtyre sulmeve.
Guvernatori i rajonit kufitar të Bryansk, Alexander Bogomaz, ka deklaruar në Telegram se një minibus u godit në fshatin Pogar, duke shkaktuar vdekjen e shoferit dhe plagosjen e pesë pasagjerëve. Ndërkohë, guvernatori i rajonit fqinj të Belgorodit, Vyacheslav Gladkov, raportoi se një person u vra dhe 23 të tjerë u plagosën në sulmet ukrainase të djeshme kundër zonave të banuara në territorin rus.
Në anën tjetër të frontit, autoritetet ukrainase njoftuan se një person u vra dhe një tjetër u plagos në më shumë se 700 sulme ruse të regjistruara gjatë ditës së djeshme në rajonin e Zaporizhias, sipas mediave lokale të Kievit.