FOTO/ Operacionet e SHBA dhe Izraelit kundër Iranit vazhdojnë, marina amerikane publikon pamjet e lëshimit të raketave
Në rrjetet sociale janë publikuar fotografi të Marinës Amerikane duke lëshuar raketa, ndërsa operacionet e saj kundër Iranit vijojnë.
Një raketë Tomahawk mund të shihet duke u lëshuar nga shkatërruesi me raketa USS Thomas Hudner, në një vendndodhje ende të pazbuluar.
Ushtria izraelite ka njoftuar se ka goditur dhjetëra qendra komanduese ushtarake iraniane gjatë ditës, duke përfshirë selinë e Gardës Revolucionare.
Megjithatë, është raportuar edhe për dëmtime në një ndërtesë civile në Iran. Dëshmitarë i thanë agjencisë së lajmeve Reuters se sulmet izraelite goditën një spital në kryeqytetin Teheran. Spitali është dëmtuar rëndë nga sulmi, dhe pacientët janë nxjerrë jashtë objektit, sipas dëshmitarëve.
Agjencia iraniane e lajmeve Tasnim gjithashtu raportoi se pati viktima pasi sulmet goditën një stacion policie në qytet.
Më herët, një zëdhënës ushtarak pati deklaruar se 100,000 ushtarë rezervistë izraelitë ishin thirrur për operacionin kundër Iranit.