Pas takimit me Trump, Zelensky njofton nga Davos: Nesër takim tripalësh SHBA-Ukrainë-Rusi për paqen
Presidenti ukrainas, Volodymyr Zelensky, ka njoftuar nga Davosi se së shpejti do të mbahet një takim tripalësh mes Ukrainës, Rusisë dhe Shteteve të Bashkuara të Amerikës, me qëllim diskutimin e çështjes së vendosjes së paqes mes Kievit dhe Moskës.
Zelensky ka konfirmuar mbajtjen e takimit, i cili do të zhvillohet në Abu Dhabi gjatë dy ditëve të ardhshme, sipas një raportimi të gazetarit të Axios.
Agresioni rus do të hyjë në vitin e katërt muajin e ardhshëm dhe deri më tani ka shkaktuar humbjen e jetës së mbi 53,000 civilëve. Gjithashtu, 7 milionë ukrainas janë larguar nga vendi, sipas të dhënave nga Global Conflict Tracker.
Kohët e fundit, administrata amerikane ka ringjallur negociatat me një projekt të ndryshuar të marrëveshjes së paqes me njëzet nene, propozim i cili u hodh poshtë nga Moska.