Një person ka humbur jetën dhe një tjetër është plagosur pas të shtënave me armë zjarri në një spital në Wilmington, Delaware, SHBA.
Raportet paraprake sugjerojnë se një punonjës i spitalit ka hapur zjarr ndaj dy kolegëve të tij. Autoritetet policore kanë deklaruar se incidenti ka qenë “i qëllimshëm dhe i izoluar”.
Shefi i Policisë së Wilmingtonit, Wilfredo Campos, konfirmoi vdekjen e njërës prej viktimave. Informacionet rreth gjendjes shëndetësore të viktimës së dytë nuk ishin të disponueshme menjëherë.
I dyshuari, një 23-vjeçar, është arrestuar në Filadelfia, rreth 64 kilometra larg Wilmingtonit. Hetimet lidhur me ngjarjen janë duke vazhduar.