Të shtënat me armë në Elbasan, policia zbardh detajet
Policia ka zbardhur detajet lidhur me të shtënat me armë zjarri që u dëgjuan mbrëmjen e djeshme në Elbasan. Mësohet se, pasi është marrë njoftim nga një qytetar për dëgjimin e të shtënave, forcat e policisë kanë shkuar menjëherë në vendngjarje.
Gjatë këqyrjes së zonës ku dyshohet se janë dëgjuar të shtënat, nuk është gjetur asnjë gëzhojë. Gjithashtu, në pjesën e sipërme të banesës ku mendohet se është qëlluar një herë, nuk është gjetur asnjë predhë plumbi.
Njoftimi i policisë sqaron:
- Vendodhja: Elbasan
- Data dhe ora: 28.11.2025, rreth orës 20:30
- Njoftuesi: Shtetasi F. P., 66 vjeç
- Përmbajtja e njoftimit: Ka dëgjuar të shtëna me armë zjarri pranë banesës së tij, në lagjen “Vullnetari”.
- Veprimet e policisë: Shërbimet policore dhe grupi hetimor kanë shkuar në vendin e ngjarjes.
- Konstatimet: Nuk janë gjetur gëzhoja dhe as predha plumbi.
Puna vijon për sqarimin e plotë të rrethanave, si dhe për identifikimin dhe kapjen e personit përgjegjës.