“`html
2.5 miliardë euro qarkullim, ja 10 kompanitë më të mëdha në Kosovë
Dhjetë kompanitë më të mëdha në Kosovë pritet të realizojnë rreth 2.5 miliardë euro qarkullim në vitin 2025. Ky shifër paraqet një rritje të ndjeshme krahasuar me vitin 2024, ku qarkullimi total ishte afërsisht 2.21 miliardë euro.
Të dhënat, të cilat bazohen në modelimet e Data4X, janë publikuar para miratimit të pasqyrave financiare të audituara për vitin 2025.
Struktura e tregut ka mbetur kryesisht e pandryshuar. Energjetika, shitja me pakicë (retail) dhe derivatet vijojnë të jenë tri shtyllat kryesore të ekonomisë së vendit. Këta sektorë po konsolidojnë kapitalin dhe po ruajnë dominimin e tyre në listën e kompanive me të ardhurat më të larta, duke lënë pak hapësirë për hyrje të reja në ranglistë.
Bazuar në këto të dhëna, kompania turke Kosovo Calik Limak Energy rezulton të jetë kompania më e madhe në vend për nga qarkullimi. Krahasuar me vitin paraprak, qarkullimi i saj është rritur me 19%, nga 366 milionë euro në 2024 në 437 milionë euro në 2025.
Në vendin e dytë renditet VivaFresh Store me 393 milionë euro, e ndjekur nga:
- ELKOS me 247 milionë euro
- HIB Petrol (përfshirë kompanitë e tjera të përbashkëta) me 236 milionë euro
- Proex (Intrex) me 235 milionë euro
- Ex FIS me 220 milionë euro
- KEK me 200 milionë euro
- Noa Energy Trade me 185 milionë euro
- Bucaj me 175 milionë euro
- Dhe si hyrje e re në top 10-she, AlbaPetrol Group me 162 milionë euro.
Megjithatë, raporti thekson se industria prodhuese ka shënuar rritjen më të madhe krahasuar me vitin 2024. Ky zhvillim shihet si një sinjal pozitiv, që tregon mundësinë që industria prodhuese të bëhet pjesë e “Top 10”-shes së kompanive më të fuqishme në vitet e ardhshme.
Raporti detajon rritjet dhe rëniet për secilën kompani:
- Kosovo Çalık Limak Energy: €437 milionë (nga €366 milionë në 2024) – +19%
- Viva Fresh Store: €393 milionë (nga €331 milionë) – +19%
- ELKOS: €247 milionë (nga €243 milionë) – +2%
- HIB Petrol: €236 milionë (nga €215 milionë) – +9.8%
- Proex: €235 milionë (nga €223 milionë) – +5.4%
- Ex FIS: €220 milionë (nga €214 milionë) – +3%
- KEK: €200 milionë (nga €195 milionë) – +3%
- NOA Energy Trade: €185 milionë (nga €195 milionë) – -5%
- Bucaj: €175 milionë (nga €191 milionë) – -8%
- Albapetrol Group: €162 milionë (nga €131 milionë) – +24%
“`