Brazil/ Tornado përmbys makina dhe shkatërron banesa
Të paktën pesë persona humbën jetën dhe 130 të tjerë u plagosën të premten, kur një tornado përfshiu një fshat në shtetin Paraná të Brazilit jugor. Tornadoja përmbysi automjete dhe dëmtoi banesa në komunën e Rio Bonito do Iguacu, në shtetin Paraná.
Sipas mbrojtjes civile të Paranës, e cila dërgoi një deklaratë për AFP, pesë vdekje janë konfirmuar deri më tani si pasojë e tornados. Ajo gjithashtu raportoi se 30 persona kanë lëndime serioze ose të moderuara, ndërsa rreth 100 persona kanë pësuar lëndime të lehta.
Agjencia raportoi gjithashtu pemë të rrëzuara dhe dëme të konsiderueshme në banesa. Guvernatori i Paranës, Ratinho Junior, njoftoi në platformën X se “forcat e sigurisë janë në gatishmëri, të mobilizuara dhe po monitorojnë qytetet e prekura nga stuhitë e forta”.
Autoritetet meteorologjike kishin lëshuar një alarm për stuhi të rrezikshme për të gjithë shtetin Paraná, si dhe për shtetet jugore Santa Catarina dhe Rio Grande do Sul.