Presidenti i SHBA-së, Donald Trump, së bashku me ndërmjetës të tjerë, ka nënshkruar sot dokumentin për armëpushimin midis Izraelit dhe Hamasit në Rripin e Gazës. Ceremonia u zhvillua në Egjipt.
Marrëveshja për armëpushimin në Rripin e Gazës është vulosur zyrtarisht nga shtetet ndërmjetëse. Liderët e shteteve si SHBA, Egjipti, Katari dhe Turqia kanë nënshkruar një deklaratë të përbashkët në Sharm el-Sheikh, e cila synon të konsolidojë armëpushimin mes Izraelit dhe Hamasit. Samiti ka për qëllim të shënojë fundin e luftës në Rripin e Gazës.
Në ceremoninë e nënshkrimit morën pjesë liderë të njohur botërorë, duke përfshirë kancelarin gjerman, kryeministrin britanik, presidentin francez dhe mbretin e Jordanisë.
“Dokumenti përcakton një sërë rregullash dhe rregulloresh dhe është gjithëpërfshirës,” ka deklaruar Trump. Përmbajtja e saktë e marrëveshjes nuk u bë e ditur menjëherë.
Presidenti egjiptian i ka kërkuar Trump mbështetje për një konferencë të planifikuar për rindërtimin e Rripit të Gazës, të cilën Egjipti dëshiron ta organizojë së bashku me Gjermaninë. Kjo konferencë pritet të zhvillohet në Kajro, por një datë specifike nuk është caktuar ende.