Administrata Trump hap Rezervatin Kombëtar të Kafshëve të Egra të Alaskës për shpime nafte.
Qeveria amerikane ka hapur Rezervatin Kombëtar të Kafshëve të Egra të Alaskës për shpime për naftë dhe gaz, duke anuluar një vendim të administratës Biden që e ndalonte zhvillimin në këtë zonë të paprekur. Sekretari i Brendshëm, Doug Bergham, njoftoi të enjten se agjencia po hap një zonë prej 2,400 miljesh katrore (6,300 km katrorë) në pjesën veriore të shtetit. Ky është hapi më i fundit i administratës për të rritur prodhimin e brendshëm të karburanteve fosile, duke realizuar kështu premtimin e Presidentit Donald Trump për të rifilluar dhënien me qira të tokave në këtë zonë.
Zona bregdetare e rezervatit vlerësohet të përmbajë miliarda fuçi naftë bruto. Megjithatë, shumë kompani nafte kanë shfaqur hezitim për të shfrytëzuar këto rezerva për shkak të kostove të larta të nxjerrjes. Ambientalistët dhe banorët vendas të Alaskës shprehin shqetësimin se shpimet për naftë në këtë zonë rrezikojnë habitatet e dhelprave arktike, arinjve polarë dhe kaributë.