Trump: Irani ka rënë dakord të mos ketë kurrë armë bërthamore, jemi në negociata
Presidenti amerikan Donald Trump deklaroi përpara gazetarëve në Zyrën Ovale se Irani ka “rënë dakord që nuk do të ketë kurrë një armë bërthamore”. Ai shtoi se Irani po zhvillon bisedime me Uashingtonin dhe “ata po flasin me arsye”, sipas presidentit të SHBA-së.
I pyetur nëse do t’i dërgonte të dërguarit e tij, Steve Witkoff dhe Jared Kushner, për të diskutuar paqen me iranianët, Trump u shpreh: “Jemi në negociata tani. Ata po e bëjnë këtë së bashku me Macron dhe JD.”
“Pala tjetër, mund t’ju them, do të dëshironte të arrinte një marrëveshje. Kush nuk do të dëshironte, nëse do të ishte në vendin e tyre? Marina e tyre është shkatërruar, forca e tyre ajrore është zhdukur, komunikimet e tyre… të gjitha sistemet e tyre kundërajrore, raketat e tyre. A mund të përmendni një gjë të vetme që nuk është shkatërruar? Apo një gjë që po ecën mirë? Ne endemi të lirë mbi Teheran. Mund të bëjmë çfarë të duam,” përfundoi Trump.