Trump dëshiron të flasë personalisht me Maduron
Presidenti i Shteteve të Bashkuara, Donald Trump, u ka komunikuar ndihmësve të tij dëshirën për të zhvilluar një bisedë telefonike me homologun e tij venezuelian, Nicolas Maduro.
Burime konfidenciale kanë vënë në dukje se telefonata është ende në proces të organizimit, duke bërë që të mos jetë caktuar ende një datë specifike për zhvillimin e bisedës.
Megjithatë, rrethi i ngushtë i Presidentit Trump nuk ka të qartë se çfarë synon ai të komunikojë me Maduron, pasi të gjitha mundësitë konsiderohen.
Dëshira e udhëheqësit amerikan për këtë bisedë, sipas burimeve të Axios, mund të jetë një indikacion se sulmet raketore ndaj Venezuelës ose operacionet ushtarake tokësore në territorin e saj nuk janë të pashmangshme.
Për t’u bërë pjesë e grupit “Balkanweb” mjafton të klikoni dhe kërkesa do t’ju aprovohet menjëherë.