Trump: Është koha për një marrëveshje për zgjidhjen e konfliktit Rusi-Ukrainë
Presidenti i Shteteve të Bashkuara, Donald Trump, ka deklaruar se ka ardhur momenti për të arritur një marrëveshje që do t’i jepte fund konfliktit mes Rusisë dhe Ukrainës.
Udhëheqësi amerikan e bëri këtë deklaratë për gazetarët në Shtëpinë e Bardhë, pas një takimi me Sekretarin e Përgjithshëm të NATO-s, Mark Rutte.
“Do të thoja se është koha për të bërë një marrëveshje”, theksoi Trump.
I pyetur nëse pala ruse ishte e gatshme për të zgjidhur konfliktin, Trump u shpreh: “E vetmja gjë që mund të them sinqerisht është se sa herë që flas me Presidentin rus Vladimir Putin, bisedimet janë të mira, por pastaj ato nuk prodhojnë asgjë. Thjesht nuk ka asnjë rezultat.”
Duke folur për palët e përfshira në konflikt, Trump nënvizoi: “Këto janë dy palë shumë kompetente.”