Trump kritikon Zelenskyn: Nuk ka treguar mirënjohje për planin tonë, Evropa vijon me blerjen e naftës ruse
Ish-Presidenti i Shteteve të Bashkuara, Donald Trump, ka shprehur kritika të forta ndaj qeverisë së Ukrainës, si dhe ndaj Evropës, duke theksuar se kontinenti vijon të blejë naftë nga Rusia.
“Udhëheqja’ e Ukrainës nuk ka treguar asnjë mirënjohje për përpjekjet tona, ndërsa Europa vazhdon të blejë naftë nga Rusia”, shkroi Trump në platformën e tij Truth Social. Ky koment vjen në një moment kur zhvillohen diskutime në Gjenevë për një plan me 28 pika, të propozuar nga vetë ai.
Në postimin e tij, Trump vendos fjalën “udhëheqja” në thonjëza, duke iu referuar drejtpërdrejt Volodimir Zelenskyt. Pjesa tjetër e deklaratës përsërit pretendime të mëparshme të Trump, duke përfshirë bindjen se lufta nuk do të kishte filluar nëse ai do të ishte president, si dhe kritika ndaj Joe Bidenit.
Ai gjithashtu rikujtoi kritikat e tij pas takimit të tensionuar me Zelenskyn në Zyrën Ovale më herët këtë vit, ku kishte qortuar publikisht presidentin ukrainas para mediave ndërkombëtare.