Trump: Marrëveshje për Ukrainën pas suksesit në Gaza
Pas paqes në Gaza, Trump zotohet se do të përfundojë luftën në Ukrainë
Presidenti i Shteteve të Bashkuara, Donald Trump, është i vendosur të arrijë një marrëveshje të re që do t’i japë fund luftës në Ukrainë, pas suksesit të tij me armëpushimin në Gaza dhe lirimin e pengjeve izraelitë. Këshilla e fundit e presidentit amerikan, dhënë nga foltorja e Knesset-it në Izrael për përfaqësuesin e posaçëm presidencial për misionet paqësore, Steve Witkoff, ishte mjaft zbuluese.
“Duhet ta mbyllim çështjen me Rusinë. Duhet ta bëjmë. Nëse nuk të shqetëson, Steve, le të fokusohemi fillimisht tek Rusia,” tha Trump në parlamentin izraelit.
Gjatë takimit me homologun e tij ukrainas, Volodymyr Zelenskiy, ditën e djeshme, Trump theksoi se përfundimi i luftës në Ukrainë nuk është një objektiv i pamundur. Sipas tij, edhe situata në Lindjen e Mesme dukej si një problem i pazgjidhshëm më parë.
“Mendoj se kemi një moment shumë të favorshëm dhe një besueshmëri të madhe. Përfundimi i çështjes në Lindjen e Mesme ishte shumë i rëndësishëm. Askush nuk besonte se do të mundej. Ishte diçka që askush nuk e priste, dhe ne e arritëm,” shtoi ai.
