Presidenti izraelit Isaac Herzog synon t’i japë homologut të tij amerikan, Donald Trump, nderimin më të lartë politik në Izrael. Ky nderim vjen si mirënjohje për rolin e Trump në lirimin e pengjeve në Rripin e Gazës.
Donald Trump pritet në Tel Aviv dhe do të mbajë një fjalim para Knessetit, parlamentit izraelit, në Jerusalem. Vizita e tij përkon me kthimin e pritshëm të pengjeve të mbetura, pas armëpushimit promovuar nga ai midis Izraelit dhe Hamasit.
Herzo dëshiron ta informojë Trump për vendimin e tij për t’i dhënë Medaljen Presidenciale të Lirisë, në njohje të përpjekjeve të tij për kthimin e pengjeve në shtëpi. Ky çmim do të jepet në muajt e ardhshëm.
Herzog theksoi se Trump jo vetëm që ka kontribuar në kthimin e pengjeve, por gjithashtu ka hedhur themelet për një epokë të re në Lindjen e Mesme, bazuar në siguri, bashkëpunim dhe shpresë për një të ardhme paqësore.
Presidenti izraelit vlerësoi gjithashtu mbështetjen e Trump për Shtetin e Izraelit, promovimin e Marrëveshjeve të Abrahamit (që normalizuan marrëdhëniet me tre vende arabe) dhe urdhërimin e sulmeve kundër objekteve bërthamore iraniane.
Medalja Presidenciale e Izraelit u jepet individëve ose organizatave që kanë dhënë një kontribut të shquar për Shtetin e Izraelit ose për njerëzimin. Barack Obama ishte presidenti i parë në detyrë i SHBA-së që e mori këtë çmim, në vitin 2013, për kontributin e tij në forcimin e Izraelit dhe sigurinë e banorëve të tij.