Trump i bën thirrje qytetarëve të Hondurasit të votojnë për kandidatin e krahut të djathtë: “Ai është i vetmi mik i vërtetë i lirisë”
Donald Trump, i cili duket se nuk heziton kurrë të ndërhyjë në jetën politike të vendeve të tjera, veçanërisht në Amerikën Latine, u ka bërë thirrje qytetarëve të Hondurasit të votojnë për kandidatin e krahut të djathtë Nasri Asfura në zgjedhjet presidenciale që do të mbahen të dielën.
Republikani, përmes platformës Truth Social, siguroi se Asfura, kandidati i Partisë Kombëtare dhe ish-kryebashkiaku i kryeqytetit, “është i vetmi mik i vërtetë i lirisë” midis kandidatëve. Ai shtoi se nuk mund të “punonte me” kundërshtarin e tij, avokatin dhe kandidatin e partisë së majtë në pushtet LIBRE, Rixi Moncada, dhe as nuk mund të “kishte besim” te kandidati i tretë, prezantuesi televiziv dhe kandidati i Partisë Liberale, Salvador Nasralla.
Sondazhet para zgjedhjeve parashikojnë një garë të ngushtë mes tre pretendentëve për postin më të lartë në shtetin e Amerikës Qendrore, e cila do të zhvillohet më 30 nëntor.