Donald Trump, presidenti i katërt amerikan që mban një fjalim në Parlamentin e Izraelit, vlerësoi vizitën e tij duke shkruar në librin e vizitorëve: “Është një ditë e madhe, një fillim i ri.” Ky zhvillim vjen rreth orës 10 të mëngjesit, ndërkohë që nisi lirimi i 13 pengjeve.
Pas Izraelit, Trump do të udhëtojë drejt Sharm el-Sheikh, Egjipt, ku do të marrë pjesë në Samitin për Paqen në Gaza. Ky samit pritet të mbledhë 20 liderë botërorë.
Pak para udhëtimit të tij, Trump deklaroi se lufta në Gaza “ka përfunduar”. Ai iu drejtua gazetarëve duke thënë: “Lufta ka mbaruar. E kuptoni këtë?”, duke iu referuar konfliktit mes Izraelit dhe Hamasit.