Zohran Mamdani fitoi zgjedhjet; Trump: Nju Jorku do të jetë nën një regjim komunist, njerëzit do të largohen si nga Kuba dhe Venezuela
Presidenti amerikan Donald Trump e ka krahasuar drejtimin politik të qytetit të Nju Jorkut me “një regjim komunist”. Deklaratat u bënë gjatë një fjalimi në Miami, ku Trump tha se “njerëzit do të fillojnë të largohen nga Nju Jorku, duke ikur nga regjimi komunist”. Ky koment shihet si një referencë ndaj politikanit Zohran Mamdani, anëtar i Asamblesë së Shtetit të Nju Jorkut, i njohur për qëndrimet e tij progresiste.
Trump shtoi se Miami do të bëhet “një strehë për ata që ikin nga Nju Jorku”, duke e krahasuar situatën me ikjen e qytetarëve nga Kuba dhe Venezuela nën regjimet autoritare.
Zohran Mamdani, 34 vjeç, me origjinë indiane, fitoi zgjedhjet për kryetar bashkie të qytetit të Nju Jorkut dhe do të bëhet kryetari i parë mysliman i këtij qyteti.
Ai, i vetëshpallur socialist demokrat, Mamdani ishte relativisht i panjohur disa muaj më parë dhe arriti fitoren me premtime për të taksuar milionerët, në mënyrë që të financohen programe të zgjeruara sociale. Ai mundi në garë kandidatin e pavarur Andrew Cuomo dhe kandidatin republikan Curtis Sliwa.
Mamdani pranoi se fitorja e tij paraqet një sfidë në zbatimin e asaj që ai e quan “axhenda më ambicioze për të trajtuar krizën e kostos së jetesës që ka parë qyteti i New Yorkut” që nga vitet 1940. Kjo axhendë përfshin një ngrirje të propozuar të qirave, kujdes universal për fëmijët dhe veprime të tjera qeveritare që synojnë sektorin privat.