Trump i gatshëm të godasë më fort se kurrë; Shtëpia e Bardhë paralajmëron Iranin: Presidenti nuk bën bllof, Teherani të mos bëjë llogaritjet e gabuara!
Lidhur me negociatat për t’i dhënë fund luftës, zëdhënësja e Shtëpisë së Bardhë, Karoline Leavitt, deklaroi sot se presidenti Donald Trump “dëshiron paqe”. Megjithatë, ajo shtoi se nëse Irani nuk pranon disfatën, presidenti “do të sigurojë që ata të goditen më fort se kurrë më parë”.
“Presidenti Trump nuk bën bllof dhe është i përgatitur të shkaktojë pasoja të rënda. Irani nuk duhet të bëjë përsëri llogaritjet e gabuara”, u shpreh Leavitt.
Ajo iu referua gabimeve të mëparshme të Iranit, duke thënë: “Gabimi i tyre i fundit në llogaritje u kushtoi atyre udhëheqjen e lartë, marinën e tyre, forcën ajrore dhe sistemin e tyre të mbrojtjes ajrore. Çdo dhunë pas kësaj pike do të ndodhë sepse regjimi iranian refuzoi të kuptojë realitetin”, theksoi ajo.