Trump Rrit Tarifën Doganore në 15% për Mallrat e Importuara në SHBA
Presidenti i SHBA-së, Donald Trump, ka njoftuar vendimin e tij për të rritur tarifën doganore për importet nga e gjithë bota nga 10% në 15%. Sipas BBC, ai e bëri të ditur këtë njoftim në platformën Truth Social, duke specifikuar se rritja do të shkojë në nivelin më të lartë të lejuar sipas ligjit tregtar.
Tarifat e reja prej 15% do të hyjnë në fuqi të martën, më 24 shkurt. Ky masë mund të qëndrojë në fuqi për rreth pesë muaj, përpara se administrata të kërkojë miratimin e Kongresit.
Duke shprehur edhe një herë zhgënjimin e tij për një vendim të mëparshëm të gjykatës lidhur me tarifat, presidenti Trump deklaroi në postimin e tij në rrjetin social:
“Bazuar në një shqyrtim të plotë, të detajuar dhe gjithëpërfshirës të vendimit, të shkruar keq dhe jashtëzakonisht jo-amerikan mbi tarifat, të lëshuar dje nga Gjykata Supreme e Shteteve të Bashkuara pas shumë muajsh diskutimi, kërkoj që kjo deklaratë të merret si një njoftim se unë, si President i Shteteve të Bashkuara të Amerikës, do të rris, me efekt të menjëhershëm, tarifën globale prej 10% për vendet, shumë prej të cilave kanë ‘shfrytëzuar’ Shtetet e Bashkuara për dekada pa hakmarrje (derisa erdha unë!), në nivelin plotësisht të lejuar dhe të verifikuar ligjërisht prej 15%. Gjatë muajve të ardhshëm, Administrata Trump do të përcaktojë dhe nxjerrë tarifa të reja dhe ligjërisht të lejueshme që do të vazhdojnë procesin tonë shumë të suksesshëm për ta bërë Amerikën përsëri të madhe.”