Presidenti i SHBA-së, Donald Trump, ka shkarkuar nga detyra Prokuroren e Përgjithshme, Pam Bondi. Ky njoftim u bë nga vetë Trump gjatë një interviste për rrjetin televiziv amerikan Fox News.
Sipas raportimeve të Fox News, pritet që Trump ta zëvendësojë Bondin me Zëvendës Prokurorin e Përgjithshëm, Todd Blanche, i cili do të mbajë postin e prokurorit të përgjithshëm të përkohshëm.
Mediat e huaja raportojnë se Trump kishte diskutuar më herët mundësinë e shkarkimit të Bondit. Një burim e përshkroi një bisedë si “të vështirë”, gjatë së cilës Trump theksoi se “Bondi nuk do të qëndronte në pozicionin e saj për një kohë të gjatë dhe se ai do ta zëvendësonte atë në të ardhmen e afërt”.